In liefdevolle herinnering aan In loving memory of
Kom vier saam met ons sy lewe en kosbare herinneringe. Come and celebrate his life and precious memories with us.
Die diens is Dinsdag 18 Augustus om 10:00 (SAST) en word regstreeks op hierdie bladsy uitgesaai. Dieselfde video word daarna die opname.
The service is on Tuesday 18 August at 10:00 (SAST) and is streamed live on this page. The same video becomes the recording afterwards.
Sukkel om te kyk? Maak in YouTube oop Trouble watching? Open in YouTube
Die diens word waargeneem deur Ds. Adriaan Swart vanuit die AP Kerk Sanddrift op 18 Augustus 2026 om 10:00, vanwaar die stoet sal vertrek na die Sanddrift Begraafplaas.
Johannes 11:25–26
Na elke nag is daar ’n dagbreek, na winter, lenteprag. En oor die grense van die dood wag daar ’n blye dag, want my geliefde eggenoot, ons vader, broer, oupa en vriend Attie Passano gaan ons maar net ’n wyle vooruit. Uit ’n aardse wêreld na ’n ewige heerlikheid waar daar geen skeiding sal wees nie en waar tyd nooit gemeet kan word nie. Waar geen sorge of kwellinge kom nie en waar niemand meer trane stort nie.
Bedankings Adriaan Passano (Kleinseun)
Vir dié wat van ver af saamsing. For those singing along from afar.
Soos ’n wildsbok wat smag Na water, smag my siel Na U, o Heer U alleen is my hartsverlange, en ek bring Aan U die eer U alleen is my bron van krag In U teenwoordigheid wil ek wag U alleen is my hartsverlange, en ek bring Aan U die eer U alleen is my bron van krag In U teenwoordigheid wil ek wag U alleen is my hartsverlange, en ek bring Aan U die eer En ek bring Aan U die eer
Ek sien in my gees die glorie en die almag van die Heer Die Allerhoogste wat in liefde oor sy koninkryk regeer Hy’t belowe aan die einde op die wolke kom Hy weer Hy is Koning Hy regeer Loof Hom, prys Hom Halleluja ×3 Hy is Koning Hy regeer
Die Here is ons Vesting wat vir altyd sal bly staan Hy beskerm elke mens wat in geloof na Hom toe gaan Hy’s ons Skuiling, Hy is ons Wapen, Hy het die vyand reeds verslaan Hy is die Rots wat ewig staan Loof Hom, prys Hom Halleluja ×3 Hy is die Rots wat ewig staan
Kom deel nou in ons loflied hef jou hande op na bo Blaas basuine, slaan op dromme En kom dans voor God se oë Kom leef in die oorwinning van sy Woord waarin ons glo Want sy Woord sal ewig staan Loof Hom, prys Hom Halleluja ×3 Sy Woord sal ewig staan ×2 God se Woord sal ewig staan
My liefste man,
Ons lewe saam was nie altyd maanskyn en rose nie, maar deur alles heen het ons liefde vir mekaar ons gedra — vir 59 jaar, 7 maande en 8 dae.
Ek was jou Pop, en so sal ek altyd ons liefde onthou. ’n Liefde wat deur vreugde en hartseer, deur goeie en moeilike tye, sterker geword het.
Jy was ’n versorger van jou gesin. Jy het altyd omgegee, beskerm en gegee. En in die laaste tree van jou lewe het jou gesin die voorreg gehad om jou te versorg en by jou te wees. Vir my was dit ’n groot voorreg om jou deur dik en dun by te staan, my man.
Jy was liefdevol, goedhartig en baie speels. ’n Grappie was dikwels vir jou beter as om die werklikheid te ernstig te sien, want jou gees was speels en jy het geweet hoe om ’n glimlag op ons gesigte te bring.
Jy het jou kinders met baie liefde grootgemaak, maar tog met ’n ferm hand wanneer dit nodig was. Jy het hulle geleer, beskerm en gevorm tot die mense wat hulle vandag is.
Nou is jou plekkie hier langs my leeg. Die stilte voel groot en my hart verlang na jou. Daar is soveel dinge wat ek nog met jou sou wou deel, soveel woorde wat ek nog wou sê.
Maar ek hou vas aan die liefde wat ons gedeel het — ’n liefde wat deur 59 jaar, 7 maande en 8 dae alles oorwin het.
Slaap nou sag, my liefste. Jy hoef nie meer te sorg of te veg nie. Rus in vrede.
En weet net: eendag sal ek weer aan jou sy wees.
Tot daardie dag dra ek jou in my hart, soos ek jou al die jare in my lewe gedra het.
Liefde vir altyd, jou Pop
Die najaarsvreugde lê in die Kalahari, waar die sandduine, gemsbokke en springbokke deel van sy lewe was. Die stoep, stil en wit soos in ’n droom. In die hemel se gloed, ’n tydlose glans bo hierdie wye, grootste wêreld, vol stilte en lig — lig sonder grens of soom.
Daar rus jy, my liewe Pa Attie, die rus wat jy verdien. Tog leef jy voort in die eerste reën en somer koelte, in ons harte, in die Piet-my-vrou en die mossie se getjirp in die vroeë oggendwind.
Pa leef nog in die groen vyebome en turksvybome, in die herinneringe wat nooit sal verdwyn nie. Die ou hande rus nou van swoeg en sweet, die voete wat eens geskuifel het, het stil geword. Die asem wat jou menigmaal tot stilstand gebring het, kon nooit jou vreugde om mense weer te sien, of jou blymoedigheid, wegneem nie. Soos jy was — blymoedig, warm en vol liefde vir mense.
Nou rus jy, Pa Attie, totdat ons eendag almal weer saam sal herenig en die groot, ewige lig sal binnegaan. Tot dan bly daardie trane van verlange, maar ook die dankbaarheid dat ons jou kon liefhê en jou ons Pa kon noem.
Carel en Daleen
Volgens my word ’n uurglas omgedraai en die tyd loop weer aan … 30 jaar terug was ons bevoorreg om die uurglas om te draai nadat Pa daardie gruwelike ongeluk met ’n groot wonderwerk oorleef het en ons was nog tyd gegun sodat al ons kinders hulle wonderlike Oupa kon leer ken.
Nou was dit nie vir ons beskore om die uurglas weer om te draai nie, maar ek gun Pa die rus. Dankie vir al Pa se opofferings, harde werk, grappies en stories wat my altyd sal by bly. Ek het baie van Pa se streke gekry wat my natuurlik mos Pa se “soetste” kind maak.
Die laaste tyd wat moeilik was vir Pa het Pa dag en nag Pa se horlosie om Pa se vingers gesit om die tyd te lees terwyl die moeilike dae verby getik het en stil oomblikke was vasgevang in daardie tyd. Vir ewig sal ek Pa in my hart dra en boeremusiek sal my herinneringe laat opvlam. Rus sag my Liefste Pa, ons sal weer saam lag en dans.
Ek is baie lief vir jou. Die feit dat jy nie meer hier by ons is nie, maak my hartseer en laat my gebroke voel. Maar ek troos my daaraan dat jy nou gelukkig en in vrede is. Jy het ons vooruit gegaan om vir ons ’n plek te maak in die doderyk. Eendag, wanneer ons paaie weer kruis, sal ons mekaar vind.
Pappa, dankie vir alles wat jy vir my en my kinders gedoen het. Daar was baie dinge wat ons verhouding soms negatief beïnvloed het, maar in hierdie laaste tyd het ek al my liefde aan jou gegee — want jy is my pa. Jy is die man wat my groot gemaak het en my met liefde gevorm het.
Jy was ’n ongelooflike man — altyd gereed met ’n grappie en ’n glimlag. ’n Harde werker met ’n hart van goud. Jy het ’n besondere plek in ons harte gehad, en jou liefde, jou humor en jou unieke manier van wees sal ons altyd by bly. Ons mis reeds jou stem, jou lag en jou teenwoordigheid. Die stilte wat jy agterlaat, is groot.
Maar ons is dankbaar vir elke kosbare herinnering, elke mooi oomblik en al die tyd wat ons saam kon deel. Pappa, jy sal vir altyd geliefd wees en nooit vergeet word nie. Jou plek in ons harte sal altyd joune bly.
Tot ons mekaar weer sien
Ons oupa was ’n jong man in ’n ouer liggaam. Oupa se gees was onblusbaar — iemand wat altyd grappies gemaak het en altyd tyd gemaak het vir ’n speletjie.
Oupa se handdruk was ferm en die grappies sal ons altyd koester. Dit is die klein dingetjies wat herinneringe word.
Ons is bevoorreg om te kan sê dat ons as volwassenes nog ’n oupa kon hê. Nie almal kry daardie voorreg nie en daarvoor sal ons altyd dankbaar wees. Oupa sal altyd ons Attie Karate bly — ’n baie spesiale oupa wat ’n groot plek in ons harte het.
Rus sag Oupa. Ons gaan Oupa baie mis.
2 minute 40. Niks laai af voordat jy speel druk nie. 2 minutes 40. Nothing downloads until you press play.
Speel dit nie? Maak die video direk oop Not playing? Open the video directly
Tik op 'n foto om dit groter te sien. Tap a photo to enlarge it.
